Riċetta: Ħobż bla ħmira stil Vjetnamiż, bit-tiġieġ u l-għeneb

By Flickr user: freshcrackedpepper http://www.flickr.com/people/24997828@N06/ [CC-BY-2.0 (http://creativecommons.org/licenses/by/2.0)], via Wikimedia Commons

Kultant inkunu nħobbu l-ikel Asjatiku iżda naqtgħu qalbna biex insajruh id-dar għaliex jidhrilna kemmxejn ikkumplikat. Imma tista' ssib riċetta ħafifa, bħal din għal ħobż bla ħmira stil Vjetnamiż bit-tiġieġ u l-għeneb, li żgur għandha tissodisfa dik it-tqanqila għal togħma Asjatika mingħajr ħafna logħob.

Isservi: 4 persuni

Ingredjenti:

  • 400g għaġina tal-pizza
  • Mgħarfa żejt tal-kanola (canola oil
  • Mgħarfa tewm maħkuk
  • Mgħarfa lemongrass paste
  • 350g sider tat-tiġieġ mqatta' f'biċċiet ta' 1/2 pulzier
  • 2 imgħaref soy sauce
  • 1/2 kikkra karotti maħkukin
  • Ftit zokkor
  • Mgħarfa ħall tar-ross (rice vinegar
  • 2 kikkri għeneb aħdar bla żrieragħ (seedless) mqatta' 
  • 1/4 kikkra coriander imqatta'
  • Bżaru jalapeno, mqatta' rqiq ħafna u neħħilu ż-żriegħragħ biex tnaqqas il-ħruq

Tħejjija:

  1. Saħħan il-forn għal 230C.
  2. Iftaħ l-għaġina tal-pizza fuq ftit dqiq biex tagħmel ċirku ta' madwar 30cm u itfagħha fuq baking sheet. Sajjar fil-forn għal madwar 8-10 minuti jew sakemm tkun smaret ftit.
  3. Sadanittant, saħħan iż-żejt ġo taġen u aqli t-tewm u l-lemongrass paste għal madwar minuta.
  4. Żid it-tiġieġ u s-soy sauce u aqli fuq nar medju-għoli, billi tħawwad kontinwament, sakemm it-tiġieġ ikun sar sew.
  5. Poġġi l-karrotti ġo skutella żgħira u itfa' ftit zokkor u l-ħall.
  6. Qiegħed it-taħlita tat-tiġieġ fuq l-għaġina misjura flimkien mal-karrotti, l-għeneb, il-coriander u l-jalapeno.
  7. Qatta' fi 8 biċċiet kwadri u servi.