Photo: Gurbell, azzopardifisheries.net
Jekk tħobb tiekol il-ħut ...
Bħalissa qegħdin fl-istaġun ta' din il-ħuta li tinstab fl-ibħra Maltin. Il-prezz huwa ekonomiku u tista' tixtriha bla għadam u xewk.
Ingredjenti:
- 4 biċċiet gurbell
- 300 g tadam, bil-qoxra u mqattgħa
- 150 g basal imqaxxar u mqatta'
- 2 sinniet tewm imqaxxar u maħkuk
- Tazza nbid abjad
- Meraq ta' nofs lumija
- Qoxra ta' nofs lumija
- Żejt taż-żebbuġa
- Mgħarfa tursin imqatta'
- Mgħarfa nagħniegħ imqatta'
- Nofs kuċċarina nagħniegħ niexef
- Bżar mitħun u melħ jekk trid
- 6 żebbuġiet għall-wiċċ
Tħejjija:
- Saħħan iż-żejt ġo taġen u qalli l-basal u t-tewm. Żid il-ħwawar. Żid it-tadam u ħawwad. Żid l-inbid, il-meraq tal-lumi u nofs il-qoxra tal-lumija maħkuka u kompli sajjar u ħawwad.
- Saħħan il-forn 170°C.
- Ferragħ nofs iz-zalza ġo dixx tal-forn. Poġġi fuqhom il-ħut. Ferragħ l-bqija taz-zalza fil-wiċċ, u żid ftit melħ u bżar. Sajjar fil-forn għal 25 minuta. Meta toħroġ id-dixx mill-forn żejjen bi ftit nagħniegħ frisk, żebbuġ, tursin u ftit qoxra tal-lumija maħkuka.
Ippruvajtha din ir-riċetta? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar riċetti li jogħġbuk.
