Riċetta għat-tfal: Tadam mimli bl-irkotta

Tadam mimli bl-irkotta

It-tfal jieħdu gost fil-kċina, speċjalment jekk jistgħu imiddu jdejhom biex jagħmlu xi ħaġa weħidhom mill-bidu, biex imbagħad joqogħdu jnaqqru dak li ħejjew huma stess. Din ir-riċetta fiha ingredjenti sustanzjużi u ħafna kuluri u int tista' sserraħ moħħok li, filwaqt li qiegħdin jieħdu pjaċir forsi anke jaqsmu ma' sħabhom, qiegħdin jieklu ikel bnin minflok il-ħlewwiet.

Din ir-riċetta hija waħda sempliċi u gustuża, b'tisjir ftit li xejn. Mela iġbor dawn l-ingredjenti msemmijin hawn taħt u segwi l-filmat ta' Fonzu l-Fenech għat-tadam mimli bl-irkotta.

Ingredjenti:

  • Tadama kbira
  • 4 mgħaref irkotta
  • 2 mgħaref ħalib xkumat 
  • 2 mgħaref piżelli friski jew tal-friża
  • Mgħarfa ilma
  • Bżaru isfar imqatta' roti roti 
  • Ftit weraq tan-nagħniegħ