Din ir-riċetta oriġinali tieħu biss ftit ħin biex tippreparaha u tista’ tisserva bħala l-ewwel platt.
Ingredjenti
Għal 4 persuni
- 400g scialatelli friski (jew għaġin ieħor mezzan bħal fusilli)
- 150g bacon
- 150g ċikwejra mill-ħamra
- Melħ
- Bżar mitħun frisk
- 30g butir
- 200g ġobon Parmiġġjan (jew Montasion jew Asiago)
- 200g krema friska
- Żejt taż-żebbuġa ekstra verġni
Metodu
- Għalli l-krema f’kazzola żgħira u żid il-melħ u l-bżar. Kif jagħli żid il-ġobon u ħawwad sakemm jinħall u taqgħad ftit il-krema.
- Aħsel u qatta’ rqiq għat-tul iċ-ċikwejra, imbagħad qatta’ l-bacon fi strixxi rqaq.
- Saħħan taġen bi ftit żejt taż-żebbuġa fuq nar baxx u żid il-bacon. Aqli għal 2 minuti u żid iċ-ċikwejra. Għolli n-nar u kompli ħawwad għal ftit minuti.
- Għalli l-għaġin f’borma kbira ilma jagħli bil-melħ. Saffi u żid l-għaġin maċ-ċikwejra, imbagħad żid magħhom il-ġobon maħlul. Kompli ħawwad sakemm tifforma krema ħoxna. Servi fil-pront.
Ippruvajt din ir-riċetta? Kif sibtha? Għidilna billi tħalli kumment jew ir-rating hawn taħt u agħfas share.
