Riċetta: Ġelu tal-menta

Il-cookies huma tajbin anke sħan hekk kif toħroġhom mill-forn, imma jekk trid tkun kreattiva żejjinhom bil-ġelu kkulurit. Ipprova dan il-ġelu fuq il-cookies taz-zokkor u ara d-differenza. Tista’ wkoll tuża din l-istess riċetta tal-ġelu biex iżżejjen xi kejk favorit tiegħek.

Ingredjenti

  • 1 ¼ kikkra zokkor tal-ġelu
  • 1 mgħarfa trab tal-ixkuma (meringue powder)
  • 2 mgħaref ilma
  • ¼ kuċċarina essenza tal-menta (jew vanilla)
  • Kuluri tal-ikel

 

  1. F’bieqja żgħira ħabbat flimkien iz-zokkor u t-trab tal-ixkuma. Żid l-ilma u l-essenza u ħabbat tajjeb sakemm ma  jibqax boċċi. Żid ftit kulur tal-ikel u ħalltu sew mat-taħlita. iksi l-cookies bil-ġelu u ħallihom jinxfu qabel tkompli żżejjen.
  2. Għall-ġelu tat-tiżjin, agħmel l-istess taħlita tal-ġelu tal-kisi imma żidu aktar zokkor. Żid iz-zokkor mgħarfa mgħarfa sakemm ikollok il-konsistenza li tixtieq. Qassam il-ġelu fi bwieqi żgħar u żidhom bil-kuluri tal-ikel differenti li tixtieq. Uża piping bag biex iżżejjen il-cookies kif tixtieq.