Riċetta: Ġelat tal-irkotta u għasel

Ricotta and honey ice cream

Il-ġelat huwa wieħed mill-aktar deżerti popolari fis-sajf. Varjazzjonijiet issib kemm trid , u dan tal-lum huwa magħmul minn ingredjenti lokali – l-irkotta u l-għasel.

Ħin: 30 minuta, u ħin biex tiffriża

Kwantità: madwar litru

Ingredjenti:

  • 500 ml krema doppja
  • 250 g irkotta
  • 125 ml għasel ta’ Malta, jekk issib tas-sagħtar
  • ½ kuċċarina essenza tal-vanilla
  • Niskata trab tal-kannella (cinnamon)

 

Tħejjija:

  1. Fi skutella ħabbat 350 ml mill-krema b’ħabbata tal-elettriku sakemm titla’ u tieqaf.
  2. Fi skutella oħra ħabbat il-kumplament tal-krema mal-irkotta, l-għasel, il-vanilla u t-trab tal-kannella sakemm ikollok taħlita kemm jista’ jkun lixxa.
  3. Daħħal il-krema mħabbta fit-taħlita tal-irkotta bil-mod (fold in), imbagħad ferragħha f’reċipjent, għalaq sew u poġġi fil-friża għal 4-5 sigħat.
  4. Biex isservi l-ġelat oħorġu mill-friġġ ftit minuti qabel u servih ma’ frott frisk.

Ippruvajtha din ir-riċetta ta' ġelat tal-irkotta u għasel? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar riċetti li jogħġbuk.

Would you like to read this recipe in English? Let us know in the comments section below!