L-aktar gallettini sempliċi huma dawk taż-żokkor, magħmulin mid-dqiq, zokkor, butir, bajd u vanilla. Din ir-riċetta tuża l-istess bażi, imma b'kisja ta' ġelu u lewż.
Ħin biex tipprepara: 15-il minuta
Ħin totali: 25 minuta
Ingredjenti
għal 32 gallettina
- 3 kikkri dqiq
- 1/2 kuċċarina trab tal-ħami (baking powder)
- 1/4 kuċċarina melħ
- 1 kikkra butir mingħajr melħ, temperatura tal-kamra
- 1 1/4 kikkra zokkor
- 1 bajda sħiħa
- 1 isfar ta' bajda
- 1 kuċċarina essenza tal-vanilla
Għall-ġelu
- 1/3 kikkra butir, temperatura tal-kamra
- 2 kikkri zokkor tal-ġelu (icing sugar)
- 2 mgħaref ħalib
- 1/2 kuċċarina essenza tal-lewż
- lewż imqatta'
Metodu
- Iksi ta' 22ċm x 33ċm bil-karta forn.
- F'bieqja kbira għarbel id-dqiq, it-trab tal-ħami u l-melħ.
- F'bieqja oħra ħabbat il-butir maz-zokkor.
- Daħħal u ħabbat magħhom il-bajda, l-isfar tal-bajda u l-vanilla.
- Bil-mod ibda żid id-dqiq sakemm jidħol kollox f'xulxin.
- Ferra' t-taħlita fid-dixx ippreparat.
- Kessaħ għal 30 minuta. Saħħan il-forn għal temperatura ta' 175°C.
- Aħmi għal 25-30 minuta jew sakemm in-nofs jagħqad u l-ġnub jiħmaru.
- Berred kompletament qabel tiksi bil-ġelu.
Biex tagħmel il-ġelu
- B'ħabbata tal-elettriku ħabbat il-butir sakemm jeħfief.
- Ħabbat miegħu z-zokkor tal-ġelu, il-ħalib, u l-essenza tal-lewż bil-mod sakemm ikollok taħlita lixxa.
- Ifrex fuq il-gallettina u roxx bil-lewż imqatta'.
- Aqsam fi 32 biċċa.