Riċetta: Gallettini tal-ħafur (oats) u ġewż tal-Indi (coconut)

Oat and coconut biscuits- Gallettini tal-ħafur u ġewż tal-indi

Read this in English: Recipe: Oat and coconut biscuits

Gallettini jqarmċu u delizzjużi li tagħmel f’ħakka t’għajn. Meta jkollok il-forn imqabbad b’xi ikel ieħor tista’ tipprepara dawn il-gallettini malajr u ddaħħal lilhom wara.

Ħin: 30 minuta

Kwantità: 30

Ingredjenti:

  • 100g ħafur (oats)
  • 100 g ġewż tal-Indi, imnixxef (dessicated coconut)
  • 125 g dqiq, mgħarbul
  • 200 g zokkor
  • 2 imgħaref golden syrup, imsaħħan
  • 125 g butir, imdewweb
  • 2 imgħaref ilma jagħli
  • Kuċċarina bikarbonat tas-sodju (bicarbonate of soda)

Tħejjija:

  1. Saħħan il-forn għal temperatura ta’ 180°C. Iksi tilar bil-kartaforn.
  2. Fi skutella kbira ħallat il-ħafur, il-ġewż tal-Indi, id-dqiq u z-zokkor.
  3. Fi skutella oħra ħabbat flimkien il-butir, il-golden syrup, l-ilma u l-bikarbonat tas-sodju.
  4. Ferra’ t-taħlita tal-butir f’dik tad-dqiq u ħallat kollox flimkien b’mgħarfa.
  5. Poġġi mimli mgħarfa kull darba mit-taħlita fuq it-tilar, 3 ċm bogħod minn xulxin.
  6. Aħmi għal 10-15-il minuta sakemm il-gallettini jissudaw.
  7. Ħallihom jibirdu fuq it-tilar għal 5 minuti, imbagħad kompli berridhom fuq gradilja.

Ippruvajtha din ir-riċetta? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar riċetti li jgħoġbuk.

Ara lista ta' ħxejjex u frott skont l-istaġun