Il-gallettini bl-oatmeal u ż-żbib sajjarthom qabel, allura għaliex għandek tipprova dawn? Għax huma delizjużi u mimlijin żbib – u huma aħjar minn kwalunkwe gallettina li qatt ippruvajt qabel!
Ħin totali: 26 minuta
Preparazzjoni: 15-il minuta
Tisjir: 11-il minuta
Riċetta għal 36 gallettina
Ingredjenti:
Ħallat flimkien: (ingredjenti xotti)
2 kikkri dqiq (all-purpose)
Kuċċarina soda tal-ħami (baking soda)
Kuċċarina trab tal-ħami (baking powder)
Kuċċarina melħ koxer
Ħallat flimkien: (ingredjenti mxarrbin)
Kikkra butir mingħajr melħ artab
Kikkra zokkor
Kikkra mgħobbija sew zokkor kannella skur
2 bajdiet kbar
2 kuċċarini essenza tal-vanilja
Ingredjenti biex iżżidhom wara:
3 kikkri ħafur (oats)
kikkra u nofs żbib
Metodu:
1. Saħħan il-forn minn qabel għal 180°.
2. Ħallat flimkien l-ingredjenti niexfa; warrabhom.
3. Ħallat flimkien l-ingredjenti mxarrbin b’mixer tal-idejn bi ftit qawwa.
4. Imbagħad, żid il-qawwa tal-mixer u ħallathom sakemm isiru ħfief u l-kulur jiċċara.
5. Ħallat it-taħlita tad-dqiq fit-taħlita mxarrba sakemm ma jibqax jidher dqiq.
6. (Oqgħod attenta peress li jekk tħalltu wisq il-gallettina tkun iebsa). Issa żid il-ħafur u ż-żbib; ħallathom.
7. Imla forma tal-gallettini bl-għaġina u agħfasha mal-ġenb tal-iskutella sabiex tkun ċatta (xi żewġ mgħaref għaġina).
8. Qiegħed il-gallettini fuq kartaforn imraxxa bl-isprej nonstick, żewġ pulzieri ’l bogħod minn xulxin.
9. Sajjarhom għal 11-13-il minuta (fuq l-ixkaffa tan-nofs, sakemm ikunu dehbiena, iżda ma jkunux xotti u jkollhom ix-xquq fil-wiċċ.
10. Oħroġhom mill-forn, ħalli l-gallettini fuq il-kartaforn għal 2 minuti, imbagħad poġġihom fuq xtilliera tal-wajer (wire rack) biex jiksħu.
Ippruvajtha din ir-riċetta? Kif sibtha? Għidilna billi tħalli kumment jew ir-rating hawn taħt u agħfas share.