Riċetta: Gallettini biċ-ċikkulata Cadbury

Riċetta: Gallettini biċ-ċikkulata Cadbury

Huwa faċli li tagħmel il-gallettini mill-ġdid b'din ir-riċetta ħafifa u ta' malajr, ta' Trish McKenzie ta' Cadbury Kitchen. Tista' wkoll issegwi l-filmat biex jgħinek fit-tħejjija u ladarba tarah żgur li se jiftaħlek l-aptit.

 Ħin: 45 minuta

Isservi: 12 persuni

Ingredjenti:

  • 250g butir artab
  • 2/3 kikkra zokkor ismar 
  • ½ kikkra caster sugar
  • 2 bajdiet
  • 2 kuċċarini vanilja
  • 3 kikkri dqiq self-raising
  • 2/3 kikkra dqiq 
  • 220g Cadbury Dairy Milk, imkissra f'biċċiet żgħar

Tħejjija:

  1. Saħħan il-forn għal 180 C.
  2. Ħallat flimkien il-butir, iz-zokkor u l-caster sugar u ħabbathom sakemm isiru uniformi.
  3. Żid il-bajd u l-vanilja u kompli ħabbat.
  4. Ħallat id-dqiq kollu u nofs iċ-ċikkulata.
  5. Aqsam it-taħlita f'12-il ballun.
  6. Agħfas il-blalen ftit biex tiċċattjahom.
  7. Poġġihom fuq tilar mdellek bil-butir u ħalli biżżejjed spazju biex jikbru ftit.
  8. Poġġi l-kumplament taċ-ċikkulata fuq il-gallettini.
  9. Sajjar il-gallettini għal madwar 18-20 minuta, jew sakemm ikunu smaru.
  10. Ħallihom jibirdu u erfagħhom ġo kontenitur li ma jidħolx l-arja fih.