Il-Maltin iħobbu ħafna l-patata u normalment idaħħluha bħala kontorn ma’ kull ikla, iżda aktar ma jkollna modi differenti kif insajruha aktar aħjar.
Ħin: siegħa u 10 minuti
Isservi: 4 persuni
Ingredjenti:
- 50 g butir
- Kilo patata bil-qoxra, maħsula u mqattgħa roti rqaq
- 50 g ġobon Parmiġġan, maħkuk irqiq
- 30 g ġobon cheddar, maħkuk
Tħejjija:
- Saħħan il-forn għal temperatura ta’ 200°C. Idlek landa ta’ 20 ċm, tal-qiegħ jinqala’, bil-butir u poġġiha fuq tilar.
- Ifrex saff patata fil-qiegħ tal-landa ftit imrikkbin fuq xulxin. Idlek is-saff patata bil-butir u roxx ¼ mill Parmiġġan.
- Bl-istess mod irrepeti s-saffi għal 4 darbiet biex ikollok 5 saffi patata.
- Fuq il-wiċċ tal-aħħar saff roxx il-ġobon cheddar.
- Aħmi għal 50-60 minuta jew sakemm tara li l-patata saret u l-wiċċ ħmar. Ħalli l-patata toqgħod għal 10 minuti qabel isserviha.
Ippruvajtha din ir-riċetta? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar riċetti li jgħoġbuk.
Would you like to read this recipe in English? Let us know in the comments section below!
