Riċetta: Froġa mgerba, mimlija stil Taljan

Rolled Omelette

Għal ikla ħafifa l-froġa hija ideali. Din il-froġa hija ftit aktar speċjali b’mili ta’ ingredjenti Mediterranji.

Ħin: 25 minuta

Isservi: 2-3 persuni

Ingredjenti:

  • 4 bajdiet
  • 100 g dqiq
  •  250 g mozzarella friska
  • 2 bżariet ħelwin ikkuluriti (capiscum), maqsumin min-nofs għat-tul u mnaddfin
  • 6 listi prosciutto, imqattgħin
  • Ponn ħabaq frisk
  • 50 g żebbuġ mingħajr għadma, aħdar jew iswed, imqatta’

 

Tħejjija:

  1.  Saħħan il-forn għal temperatura ta’ 200°C.
  2. Qatta’ l-mozarella u poġġiha f’passatur biex toqtor
  3. Ħabbat il-bajd sakemm itella’ r-ragħwa u jiċċara fil-kulur, imbagħad żid ftit melħ u bżar u daħħal id-dqiq bil-mod.
  4. Poġġi l-bżar ikkulurit fuq dixx żgħir midluk bi ftit żgħir u daħħlu fil-forn għal 15-20 minuta, sakemm jibda jirtab u jieħu ftit kulur.
  5. Idlek turtiera kbira biż-żejt u ferra’ t-taħlita tal-bajd fiha. Aħmi għal 10 minuti sakemm il-froġa tintnefaħ u tiħmar.
  6. Aqleb il-froġa fuq biċċa kartaforn niedja u, bl-għajnuna tal-karta, gerbeb il-froġa f’romblu bil-karta b’kollox. Warrabha sakemm tibred.
  7. Qatta’ l-bżar ikkulurit f’biċċiet żgħar.
  8.  Iftaħ il-froġa bil-mod u ifrex fuqha l-prosciutto u l-mozzarella, imbagħad il-bżar ikkulurit, il-ħabaq u ż-żebbuġ. Erġa’ gerbeb il-froġa f’romblu.
  9. Qatta’ l-froġa roti u servha ma’ insalata.

Ippruvajtha din ir-ricetta? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar ricetti li jgħoġbuk.

Would you like to read this recipe in English? Let us know in the comments section below!