Fi ftit minuti tista’ tagħmel dan il-plat li jimpressjona lil min jarah u jduqu, bit-togħma unika tal-ġobon tat-tursina (blue cheese) (tista’ tuża ġobon ieħor li jitfarrak jekk ma jogħġbokx), il-palat tal-ġewż pecan u l-laħam tari.
Ħin: 45 minuta
Isservi: 4 persuni
Ingredjenti:
- 60 g ġewż pecan, imqatta’
- 4 biċċiet flett taċ-ċanga (200 g kull biċċa)
- Melħ oħxon u bżar mitħun frisk
- Mgħarfa żejt veġetali
- 100 g ġobon tat-tursina
- 60 g butir, temperatura tal-kamra
- 2 imgħaref weraq sħiħ tat-tursin (parsley) frisk
Tħejjija:
- Poġġi l-ixkaffa tal-forn f’pożizzjoni ċentrali. Saħħan il-forn għal temperatura ta’ 180°C.
- Poġġi l-ġewż pecan fuq dixx żigħir u inkalja għal 6-8 minuti. Ħallihom jibirdu kompletament.
- Ixxotta l-laħam mill-ilma u roxxu bil-bżar u l-melħ.
- Saħħan taġen fuq nar moderat għal għoli għal żewġ minuti u żid iż-żejt. Dawwar it-taġen biex il-qiegħ jinkesa kollu biż-żejt.
- Żid il-laħam u sajjar għal 4 minuti sakemm jieħu l-kulur imbagħad aqilbu u sajru għal 4 minuti oħra.
- Poġġi l-laħam f’dixx u daħħlu fil-forn biex ikompli jsir għal 8 minuti oħra, biex jibqa’ aħmar fin-nofs (żid il-ħin fil-forn jekk tixtiequ aktar misjur).
- Sadanittant fi skutella għaffeġ flimkien il-ġobon u l-butir b’furketta. Żid il-ġewż pecan u ħawwad.
- Ferrex it-taħlta fuq il-laħam, għatti d-dixx bil-foil u ħallih joqgħod għal 5 minuti. Roxx il-wiċċ bil-weraq tat-tursin u servi.
Ippruvajtha din ir-riċetta? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar ricetti li jgħoġbuk.
Would you like to read this recipe in English? Let us know in the comments section below!
