Riċetta: ‘Flapjack’ biċ-ċikkulata

http://upload.wikimedia.org/wikipedia/commons/thumb/a/a4/Flapjack_tray.jpg/1024px-Flapjack_tray.jpg?uselang=en-gb

Din ir-riċetta għal flapjack biċ-ċikkulata hija ideali għaliex tikkonsisti minn ż-żewġ ingredjenti tant tajbin ħafna, kemm fit-togħma kemm għass-saħħa. (Jekk triq taqra x'inhuma l-benefiċji tal-ħafur u taċ-ċikkulata ikklikja hawn.) Barra minn hekk tista' tipprepara din ir-riċetta minn qabel matul il-weekend u tagħti flapjack lil kull membru tal-familja tiegħek magħtul il-ġimgħa u b'hekk teħles milli toqgħod tipprepara l-kolazzjon ta' kull filgħodu, speċjalment jekk kulħadd joħroġ minn ġo d-dar f'ħinijiet differenti jew int stess nieqes mill-ħin jew il-paċenzja meta tkun għadek tqum. 

Peres li l-flapjack hija tip ta' cereal bar u fiha ċ-ċikkulata, mhux se jkollok l-ebda problema biex tikkonvinċi l-itfal jikluha, u tista' sseraħ moħħok li qiegħed tgħinhom ukoll biex ikunu fl-aqwa tagħhom għall-iskola. Bi ftit kaloriji qiegħed ittihom ħafna enerġija u sustanzi kemm għall-ġisem kif ukoll għall-moħħ.

 

Preparazzjoni: 10 minuti

Ħin totali: 25 minuti

Isservi: 12 persuni

 

Ingredjenti:

  • 125g butir mhux mielaħ Kerrygold
  • 75g zokkor demerara 
  • Mgħarfa u nofs golden syrup
  • 225g ħafur (oats)
  • 50g Bournville dark chocolate 

Tħejjija:

  1. Saħħan il-forn għal 200⁰C. Dellek ftit butir ma' dixx tal-forn ta' 20cm u iksih bil-karta tax-xemgħa.
  2. Dewweb il-butir, iz-zokkor u l-golden syrup ġo kazzola bil-qiegħ fond fuq nar baxx.
  3. Żid il-ħafur u ħawwad sew, imbgħad żid iċ-ċikkulata u ħawwad.
  4. Poġġi t-taħlita fid-dix u għafas l-isfel biex tissoda.
  5. Sajjar fil-forn għal madwar 15-il minuta, neħħi mil-forn u ħalli kollox jibred.
  6. Neħħi t-taħlita minn ġo d-dixx u qatta' f'biċċiet twal. Għandek toħroġ madwar 12-il porzjon. Jekk it-taħlita tkun għada naqra sħuna tinqata' iktar faċilment.

Informazzjoni tan-nutrizzjoni:    Enerġija:  199.7 kalorija, Xaħam: 11.3g, Xaħam saturat: 6.6g, Melħ: 0.1g, Zokkor: 11.6g