Riċetta: Fażola ħadra bil-prosciutto u l-pinjol (pine nuts)

Recipe Green beans with prosciutto and pine nuts Fażola ħadra bil-prosciutto u l-pinjol

Read this recipe in English: Green beans with prosciutto and pine nuts

Kontorn sempliċi  ta’ fażola ħadra li meta msajra fi ftit żejt toħroġ il-ħlewwa tagħha mħallta mat-togħmiet differenti għal kollox minn xulxin tal-prosciutto, prinjol u qxur tal-lumi.

Isservi: 8 persuni

Ingredjenti:

  • 900g fażola ħadra, imnaddfa
  • 2 ½ kuċċarini żejt taż-żebbuġa
  • 80g listi tal-prosciutto, imqattgħin żigarelli
  • 4 sinniet tewm, misħuqin
  • 2 kuċċarini salvja (sage) frika, imqattgħa rqiq
  • Melħ oħxon
  • Bżar mitħun frisk
  • ¼ kikkra prinjol (pine nuts), inkaljat
  • 1½ kuċċarina qxur tal-lumi maħkuk
  • 1 kuċċarina meraq tal-lumi

Tħejjija:

  1. Għalli borma kbira bl-ilma bil-melħ u itfa’ l-fażola. Kif terġa’ tiftaħ tagħli, baxxi n-nar u ħalli l-fażola ttektek għal 3-4 minuti. Saffi.
  2. Saħħan ½ kuċċarina żejt taż-żebbuġa f’taġen fuq nar moderat. Żid il-prosciutto u qalli għal 4 minuti. Poġġi l-prosciutto fuq karta tal-kċina.
  3. Imsaħ it-taġen u saħħan fih 2 kuċċarini żejt taż-żebbuġa fuq nar moderat. Itfa’ l-fażola, it-tewm, is-salvja, niskata melħ, u bżar mitħun frisk. Qalleb kultant sakemm il-fażola tibda tieħu l-kulur f’xi postijiet. Żid il-prinjol, il-prosciutto u l-qxur tal-lumi u ħawwad kollox flimkien.
  4. Servi sħun

Nota: dan il-kontorn tista’ tippreparah minn qabel u ssaħħnu bil-mod f’taġen meta jkollok bżonn.

Ippruvajt din ir-riċetta?  Kif sibtha? Għidilna billi tħalli kumment jew ir-rating hawn taħt u agħfas share.