Riċetta: Deżerta friska tal-kafè

Coffee dessert

Jekk fi tmiem ikla tajba tħobb tieħu kikkra kafè imma fix-xhur sħan tas-sajf din tevitaha, tista’ minflok tagħżel li tieħu deżerta friska tal-kafè...u tkun qed tolqot żewġ għasafar b’ġebla waħda!

Ħin: 45 minuta, u ħin biex tkessaħ

Isservi: 4 persuni

Ingredjenti:

  • 5 kuċċarini kafè tajjeb
  • 60 ml ilma
  • 350 ml krema doppja,
  • 100 g ġobon mascarpone
  • 5 isfra tal-bajd, imħabbtin ħafif
  • 80 g zokkor
  • Krema doppja mħabbta, biex iżżejjen
  • Kawkaw jew ċikkulata maħkuka, biex iżżejjen

 

Tħejjija:

  1. Poġġi l-ilma f’kazzola fuq nar moderat sakemm jibda jagħli, imbagħad żid il-kafè u z-zokkor u ħawwad sakemm jinħallu.
  2. Poġġi l-isfra tal-bajd fi skutella banjumarija u ħabbathom kontinwament. Ferra’ bil-mod, filwaqt li tkompli tħabbat, it-taħlita taz-zokkor u kafè sakemm it-taħlita ssir kremuża. Neħi minn fuq in-nar u kompli ħabbat b’ħabbata tal-elettriku sakemm it-taħlita tiksaħ.
  3. Ħabbat il-krema doppja sakemm titla’ imma ma tibbiesx iżżejjed. Poġġi l-mascarpone fi skutella u żid 2 mgħaref mill-krema mħabbta u ħallathom flimkien.
  4. Żid u daħħal bil-mod (fold in) il-kumplament tal-krema doppja mħabbta fit-taħlita tal-kafè. Daħħal ukoll bl-istess mod il-mascarpone.
  5. Qassam it-taħlita f’erba’ tazzi u ffriża għal mill-inqas 5 sigħat.
  6. Biex isservi oħroġ it-tazzi 5 minuti qabel, żejjen il-wiċċ bil-krema mħabbta u roxx il-wiċċ bil-kawkaw jew ċikkulata maħkuka.

Ippruvajtha din ir-riċetta ta' deżerta friska tal-kafè ? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar riċetti li jogħġbuk.

Would you like to read this recipe in English? Let us know in the comments section below!