Riċetta: Cupcakes taċ-ċikkulata bil-frawli

Recipe Chocolate cupcakes with strawberry Riċetta Cupcakes taċ-ċikkulata bil-frawli

Read this recipe in English: Chocolate cupcakes with strawberries

It-togħmiet taċ-ċikkulata u tal-frawli jikkumplimentaw lil xulxin tajjeb ħafna. Fl-okkażjoni ta’ jum il-maħbubin se nlaqqgħu dawn iż-żewġ ingredjenti – li jitqiesu bħala afrodiżjaċi – flimkien biex nagħmlu dawn il-cupcakes eċċezzjonali.

Ħin: siegħa

Kwantità: 12

Ingredjenti:

Għall-cupcakes:

  • 200 g dqiq
  • 25 g kokotina (cocoa powder)
  • Mgħarfa baking powder
  • Kuċċarina trab tal-kannella (cinnamon)
  • 115 g zokkor fin (caster sugar)
  • 125 g ċikkulata skura, imkissra f'biċċiet żgħar ħafna
  • 2 bajdiet
  • 100 ml sunflower oil
  • 225 ml ħalib

Għall- krema:

  • 225 g ġobon artab (cream cheese)
  • 60 g butir
  • 450 g zokkor tal-ġelu (icing sugar), mgħarbul
  • 150 g frawli

Tħejjija:

  1. Saħħan il-forn għal temperatura ta’ 200°C. Imla t-toqob ta’ landa ta’ 12-il cupcake bil-forom tal-karti.
  2. Għarbel id-dqiq, it-trab tal-ħami, it-trab tal-kannella u l-kokotina ġo skutella kbira. Żid iz-zokkor u ħawwad.
  3. Poġġi l-bajd u ż-żejt ġo skutella kbira oħra u ħabbathom sew flimkien, imbagħad żid il-ħalib ftit ftit filwaqt li tkompli tħabbat.
  4. Żid l-ingredjenti nixfin gradwalment fit-taħlita likwida. Ħawwad biss sakemm jitħalltu f’xulxin. Fl-aħħar żid iċ-ċikkulata mqattgħa.
  5. B’mgħarfa poġġi ftit mit-taħlita f’kull forma. Imla biss ¾ ta’ kull forma bit-taħlita.
  6. Aħmi għal 20 minuta. Poġġi l-cupcakes fuq gradilja biex jibirdu.
  7. Biex tagħmel il-krema:
    1. Naddaf il-frawli u qattgħu slices irqaq għat-tul. Warrab l-akbar 12-il biċċa għal aktar tard u l-kumplament għaffġu u ħallih joqtor f’passatur.
    2. Ħabbat flimkien il-ġobon artab u l-butir b’ħabbata tal-elettriku sakemm jitħalltu. Żid ftit ftit 400g miz-zokkor u l-frawli u ħabbat għal minuta b’veloċità baxxa għal 30 sekonda.
    3. Żid il-veloċità u żid kemm ikun hemm bżonn mill-50 g zokkor tal-ġelu li jkun fadal, sakemm ikollok il-konsistenza adattata li żżomm il-forma mixtieqa.
  8. Imla piping bag b’ponta forma ta’ stilla u żejjen il-wiċċ tal-cupcakes.
  9. B’sikkina bil-ponta aqta’ forma ta’ V fil-parti ta’ fuq tal-biċċiet tal-frawli li warrabt biex tifforma qalb. Poġġi qalb fuq il-krema ta’ kull cupcake.

Ippruvajtha din ir-riċetta? Għoġbitek? Għidilna billi tħalli kumment u r-rating tiegħek hawn taħt u agħfas share.