Bħalissa fis-suq insibu l-bajtar ta’ San Ġwann u minn hawn u ftit ieħor nibdew naraw ukoll it-tin (farkizzan), li t-tnejn huma adattati għal din id-deżerta ħafifa ta' crepes li tippreparaha fi ftit minuti biss.
Ħin: 20 minuta
Isservi: 4 persuni
Ingredjenti:
- 8 crêpes
- 200 g butir
- 2 mgħaref zokkor ismar
- 4-6 bajtiet ta’ San Ġwann jew 8 tiniet, maqsumin f’erbgħa
- ½ kuċċarina trab tal-kannrlla (cinnamon)
- 200 g ġobon mascarpone
- 100 g ġewż, imqatta’
- Żokkor tal-ġelu, biex troxx
Tħejjija:
- Saħħan il-butir maz-zokkor fuq nar moderat sakemm jibda jfexfex, imbagħad żid il-bajtar ta’ San Ġwann/tin u t-trab tal-kannella u ħawwad għal 3-5 minuttai sakemm jikkaramellizza.
- Saħħan il- crêpes. Qassam il-mascarpone fuq ġenb ta’ kull waħda minnhom, qassam ukoll it-taħlita tal-bajtar/tin u roxx bil-ġewż imfarrak. Itwihom f’erbgħa u għarbel iż-żokkor tal-ġelu fuqhom.
Nota: minflok titwi l-crêpes tista’ timla’ n-nofs u tgerbibhom.
Ippruvajtha din ir-ricetta tal-crepes bil-mascarpone u bajtar ta’ San Ġwann? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar ricetti li jgħoġbuk.
Would you like to read this recipe in English? Let us know in the comments section below!