Riċetta: Creole Jambalaya – platt tal-karnival fi New Orleans

Creole Jambalaya

Din hi riċetta tradizzjonali tas-suwed fl-Amerika u hija wkoll assoċjata mal-karnival ta' New Orleans fl-Amerika. F'din ir-riċetta ma hemmx glutina.

Ingredjenti: 

  • kikkra ross
  • 2 kikkri stokk
  • 500 g koxox tat-tiġieġ
  • ftit zejt
  • 200 g zalzett iffumigat
  • basla
  • bżaru aħmar
  • 2 sinniet tewm
  • kikkra ħaxix li jogħġbok
  • landa tadam
  • kuċċarina u nofs ħwawar tal-creole (tista' ssibhom fis-supermarkets il-kbar) 
     

Tħejjija:

  1. Saħħan iż-żejt u żid il-koxox tat-tiġieġ.
  2. Sajjarhom ftit, żid iz-zalzett, il-basla u t-tewm u sajjarhom ftit ieħor.
  3. Żid il-bżar, ir-ross, l-istokk u l-ħwawar u żomm kollox fuq nar baxx.
  4. Għatti t-taġen u meta jsir ir-ross itfi n-nar u ħallih joqgħod għal għaxar minuti qabel ma sservih.
  5. Jekk ikun hemm bżonn, xħin ikun qiegħed isir, żid iktar ilma.

Għoġbitek din ir-riċetta? Għidilna billi tħalli l-kummenti tiegħek hawn taħt, u agħmel ir-rating tiegħek u share biex inkomplu nwasslulek aktar riċetti li jogħġbuk.