Riċetta: ‘Cocktail’ tal-lime u n-nagħniegħ (‘key lime and mint fizz’)

By The Delicious Life (Vodka Gimlet no. 5  Uploaded by admrboltz) [CC-BY-2.0 (http://creativecommons.org/licenses/by/2.0)], via Wikimedia Commons

Ipprova dan il-cocktail sempliċi u rinfreskanti f'xi ġurnata taħraq mill-ftit li baqa', hekk kif qed naslu f'għeluq l-istaġun tas-sajf. Tista' tagħmlu kemm bl-alkoħol kif ukoll minajr, b'hekk hija xarba tajba għall-familja kollha, inkluzi t-tfal!

 

Għal cocktail wieħed:

Ingredjenti:

  • Silġ
  • 2 imgħaref meraq tal-lime (minn xi 2-3 frottiet) u xi ftit flielel għat-tiżjin
  • 3 imgħaref ġulepp tan-nagħniegħ (Mint Simple Syrup - ir-riċetta hawn taħt)
  • 40g vodka jew cachaça, jekk trid
  • 1/4 sa 1/3 kikkra seltzer jew club soda
  • weraq tan-nagħniegħ għat-tiżjin

 Tħejjija:

  1. Imla tazza twila (highball) bis-silġ u ferra l-meraq tal-lime u l-ġulepp fiha. Żid il-vodka jekk tixtieq. 
  2. Żid is-seltzer, ħawwad darba, u żejjen b'felli tal-lajm u werqa tan-nagħniegħ. Servi immedjatament.

 

Ġulepp tan-nagħniegħ (Mint Simple Syrup)

Preparazzjoni: 5 minuti

Ħin totali: 35 minuti

Tagħmel: Kikkra u nofs (għal madwar 8 cocktails)

 

Ingredjenti:

  • Kikkra weraq tan-nagħniegħ 
  • Kikkra zokkor
  • Kikkra  ilma

Tħejjija: 

  1. Ħallat l-ingredjenti kollha ġo kazzola.
  2. Għalli t-taħlita fuq nar għoli sakemm iz-zokkor jinħall.
  3. Neħħi min-nar u ħallieh jibred.
  4. Neħħi l-weraq u żommu fil-friġġ. Għandu jibqa' tajjeb għal madwar ġimgħa.