Dawn iċ-cheesecakes ċkejknin huma ideali biex tipprepara bħala deżerta individwali għal wara ikla, u tiffranka x-xogħol tal-aħħar li tqatta’ u tqassam cheesecake kbir.
Ħin: 3 sigħat u nofs
Isservi: 12 il-persuna
Ingredjenti:
- 125 g gallettini digestive
- 60 g butir
- 500g ġobon artab bħal Philadelphia
- 150 g zokkor fin (caster sugar)
- 3 bajdiet
- 250 g ġobon mascarpone
- Qoxra maħkuka rqiq ta’ lumija
- Rasberries tal-friża jew friski
- Zokkor tal-ġelu (icing sugar), biex iżżejjen
Tħejjija:
- Imla t-toqob ta’ landa tal-muffins ta’ 12 bil-forom tal-karti. Saħħan il-forn għal temperatura ta’ 160°c.
- Kisser il-gallettini sakemm isiru frak irqiq u poġġihom fi skutella.
- Dewweb il-butir, żidu mal-gallettini u ħawwad sakemm jitħalltu.
- Qassam it-taħlita fil-forom tal-karta u agħfas ’l isfel bil-wara ta’ mgħarfa. Poġġihom fil-friġġ.
- Sadanittant ipprepara l-mili. B’ħabbata tal-elettriku ħabbat flimkien il-ġobon artab, il-mascarpone u z-zokkor sakemm ikollok taħlita lixxa.
- Żid il-bajd waħda waħda u kompli ħawwad sakemm jitħalltu sew fil-ġobon, u fl-aħħar żid ukoll il-qoxra tal-lumija.
- Qassam it-taħlita fil-forom tal-karta u żejjen bir-rasberries.
- Aħmi għal 25-30 minuta.
- Ħalli ċ-cheesecakes jibirdu fil-forn stess bil-bieba mbexxqa.
- Għattihom u poġġihom fil-friġġ biex jiksħu għal sagħtejn.
- Servi biż-żokkor tal-ġelu mgħarbul fil-wiċċ.
Ippruvajtha din ir-ricetta? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar ricetti li jgħoġbuk.
Would you like to read this recipe in English? Let us know in the comments section below!
