Riċetta: ‘Cheesecake’ tal-amaretto

Cheesecake tal-amaretto

Għal min iħobb it-togħma tal-lewż, cheescake bl-amaretto mal-krema u bil-gallettini tal-amaretto mfarrkin fil-wiċċ.

Ħin: siegħa u 45 minuta

Isservi: 10 persuni

Ingredjenti:

Għall-qoxra:

  • 225 g gallettini digestive, imfarrkin irqiq
  • 3 imgħaref zokkor
  • 7 imgħaref butir, maħlul

Għall-mili:

  • 680 g ġobon artab, f’temperatura tal-kamra
  • 225 g mascarpone
  • 2 imgħaref dqiq
  • Niskata melħ
  • 300 g zokkor fin (caster sugar)
  • 3 imgħaref amaretto
  • Kuċċarina essenza tal-vanilla
  • 4 bajdiet kbar, f’temperatura tal-kamra
  • Gallettini tal-amaretto imfarrkin, biex iżżejjen

Tħejjija:

  1. Poġġi l-ixkaffa tal-forn f-pożizzjoni ċentrali. Saħħan il-forn għal temperatura ta’ 190°C.
  2. Fi skutella ħallat flimkien il-gallettini digestive imfarrkin, iz-zokkor u l-butir imdewweb sakemm il-gallettini jixxarrbu kollha bil-butir.
  3. Poġġi t-taħlita f’landa tal-molla u ifrixha u ppressaha mal-qiegħ u xi 4 ċm għoli mal-ġnub (biex tippressa sew uża tazza bil-qiegħ ċatt imgeżwra fil-cling film).
  4. Aħmi għal 10-12-il minuta sakemm tibda tiskura ftit.
  5. Ħalliha tibred u baxxi t-temperatura tal-forn għal 150°C.
  6. B’ħabbata tal-elettriku ħabbat il-ġobon artab, il-mascarpone, id-dqiq u niskata melħ għal madwar 5 minuti , sakemm ikollok taħlita lixxa.
  7. Żid iz-zokkor fin u kompli ħabbat sakemm jidħol sew.
  8. Żid l-amaretto u l-vanilla u kompli ħabbat għal 30 sekonda sakemm jitħallat kollox.
  9. Żid il-bajd waħda waħda u ħabbat biss sakemm jidħlu fit-taħlita.
  10. Ferra’ t-taħlita fil-qoxra tal-gallettini u llixxa l-wiċċ.
  11. Aħmi għal 55-65 minuta. In-nofs jibqa’ jidher jiċċaqlaq xħin tmissu u t-truf ikunu ftit minfuħin.
  12. Berred sew u poġġih mgħotti fil-friġġ għal mill-inqas 8 sigħat qabel isservih.
  13. Żejjen il-wiċċ bil-gallettini tal-amaretto u servi.

Ippruvajtha din ir-ricetta? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar ricetti li jgħoġbuk.

Would you like to read this recipe in English? Let us know in the comments section below!