Riċetta: Cheesecake bil-patata ħelwa

Riċetta: Cheesecake bil-patata ħelwa

Kemm-il darba niltaqgħu u nagħmlu riċetti tal-ħelu biz-zunnarija u l-qargħa ħamra. Issa se nippruvaw waħda bil-patata ħelwa biex b'hekk inkunu zidna tip ta' ħaxix ieħor mal-lista. 

 

Ħin biex tipprepara: 20 minuta

Ħin totali: 6 sigħat

Ingredjenti

Għal 16-il porzjon

  • 1 1/2 kikkra graham crackers imfarrkin
  • 1/2 kikkra ġewż pecan, imfarrak
  • 1 kikkra, u 2 mgħaref oħra, zokkor
  • 2 mgħaref butir, imdewweb
  • 4 pakketti (225g kull wieħed) Philadelphia Cream Cheese, temperatura tal-kamra
  • 420g patata ħelwa, immaxxjata
  • 1/2 kuċċarina essenza tal-vanilla
  • 1/2 kuċċarina trab tal-kannella
  • 1/8 kuċċarina noċemuskata mitħuna
  • 1/8 kuċċarina bżar aħmar, misħuq
  • 4 bajdiet
  • 2 kikkri marshmallows miż-żgħar

Metodu

  1. Saħħan il-forn għal temperatura ta' 160°C.
  2. Iksi dixx ta' 22ċm x 33ċm bil-foil u ħalli t-truf jaqbżu l-ġenb tad-dixx. Ħallat flimkien il-crackers imfarrkin, il-ġewż pecan, 2 mgħaref zokkor u l-butir. Poġġi t-taħlita fid-dixx u agħfasha tajjeb mal-qiegħ.
  3.  F'mixer ħabbat flimkien il-ġobon, iz-zokkor li fadal, il-patata, il-ħwawar u l-bżar.
  4. Żid il-bajd waħda waħda, filwaqt li tħabbat bil-mod bejn waħda u oħra. Ferra' t-taħlita fuq il-crackers.
  5. Aħmi għal 40-45 minuta jew sakemm jagħqad in-nofs.
  6.  Berred għal 10 minuti u iksi bil-marshmallows. Meta jibred kompletament kessħu fil-friġġ għal 4 sigħat.
  7. Qabel ma  sservi ċ-cheescake daħħlu taħt grill li tkun diġà saħħant, 15ċm 'l isfel mis-sħana, sakemm jiħmaru l-marshmallows.
  8. Biex taqla' ċ-cheescake mid-dixx uża l-widnejn ta' foil żejjed li tkun ħallejt mal-ġnub. Aqsam f'16-il porzjon.

 

Nota: Jekk se tuża landa tal-molla, uża waħda ta' 22ċm, u żid il-ħin fil-forn għal siegħa u 10 minuti jew sakemm jissoda n-nofs. Kompli r-riċetta bħal qabel. Qabel tiftaħ il-ġenb dawwar sikkina mad-dawra taċ-cheescake.