Stir-fry biex tuża l-fdalijiet tal-ikla tal-Milied hija idea tajba għax toħloq ikla ta’ malajr filwaqt li tuża ż-żejjed ta’ ikla oħra. X’ħin iżżd il-laħam tad-dundjan ħalli fuq in-nar biss sakemm jisħon sewwa għax inkella jixxotta u jibbies. Jekk forsi fadallek ukoll il-Brussels sprouts imsajrin mill-ikla tal-Milied, żidhom ukoll fl-istess ħin mad-dundjan, wara li tkun qallejt l-ingredjenti l-oħrajn.
Ħin: 10 minuti
Ingredjenti
Għal 4 persuni
- 1 mgħarfa nbid tar-ross jew sherry (dry)
- 60ml stokk tad-dundjan, tat-tiġieġ jew tal-ħaxix
- 1 mgħarfa soy sauce, u aktar għat-togħma
- 2 mgħaref żejt tal-karawett jew canola
- 1 mgħarfa ġinġer frisk, imqatta’ rqiq
- 2 sinniet tewm kbar, imqattgħin irqiq
- ½ kuċċarina bżar aħmar, imfarrak (flakes)
- 680g Brussels sprouts, imnaddfin u maqsumin f’erbgħa
- 3-4 basliet ħodor friski, imqattgħin djagonali bi ħxuna ta’ 1.5ċm (il-partijiet il-ħodor żommhom separati)
- 1 bżaru aħmar (capiscum), imqatt’a fi strixxi rqaq ta’ 5ċm
- 1 kikkra laħam tad-dundjan, imqatta’
- Melħ u bżar mitħun frisk
- ¼ kikkra kożbor frisk, imqatta’
- Noodles biex isservi
Metodu
- Ħallat l-inbid tar-ross jew sherry mal-istokk u s-soy sauce f’bieqja żgħira. Poġġi l-ingredjenti li se tuża qrib il-post fejn se sajjar biex tilħaqhom malajr.
- Saħħan wok jew taġen tal-qiegħ oħxon fuq nar għoli sakemm qatra ilma li twaqqa’ fuqu tevapora f’żewġ sekondi. Żid iż-żejt u dawru fit-taġen.
- Mal-ewwel itfa’ fit-taġen it-tewm, il-ġinġer ul-frak tal-bżar aħmar u ħawwad għal mhux aktar minn 10 sekondi.
- Żid il-Brussles sprouts u kompli aqli u ħawwad għal 2 minuti.
- Żid il-biċċiet il-bojod u ħodor ċari tal-basal u l-bżar aħmar (capiscum), u aqli għal 2 minuti.
- Żid id-dundjan u t-taħlita tal-brodu. Roxx bil-bżar u l-melħ u ħallihom fuq in-nar sakemm jisħon kollox.
- Żid il-kożbor, ħawwad u roxx bil-parti l-ħadra tal-basal.
- Neħħi minn fuq in-nar u servi man-noodles.
Ippruvajtha din ir-riċetta? Kif sibtha? Għidilna billi tħalli kumment jew ir-rating hawn taħt u agħfas share.