Riċetta: Bellini ‘cocktail’ bil-lanġas u l-ġinġer

By Don LaVange (Flickr: The Last Word) [CC-BY-SA-2.0 (http://creativecommons.org/licenses/by-sa/2.0)], via Wikimedia Commons

Din ix-xarba hija tassew interessanti, bit-togħma ħelwa tal-lanġas. Jekk se jkollok il-mistednin, huwa faċli ħafna li tipprepara t-taħlita Bellini minn qabel u tkompli l-cocktail mingħajr wisq xogħol huma u jaslu. Kull ma trid tagħmel hu li tlesti l-punt nru. 1 tar-riċetta t'hawn taħt skont in-numru tal-mistednin (kemm timmultiplika, għax il-kwantitajiet mogħtija hawn taħt huma għal persuna waħda). Għamlu ġo buqar u kessaħ sakemm jasal il-ħin biex isservi. Biex tibda' l-party, ferra t-taħlita f'tazzi tax-xampanja sa terz, u żid il-Prosecco.

 

Għal cocktail wieħed:

Ingredjenti:

  • 40g nektar tal-lanġas, kiesaħ
  • 15g Poire William, kiesaħ
  • 15g Domaine de Canton ginger liqueur, kiesaħ
  • 3/4 kikkra Prosecco dry, kiesaħ
  • Klin (rosemary), għat-tiżjin
  • Ġinġer biz-zokkor, għat-tiżjin

Tħejjija:

  1. Ferra n-nektar tal-lanġas, il-Poire William u l-ginger liqueur fil-qiegħ ta' tazza tax-xampanja.
  2. Żid il-prosecco, żejjen bil-klin u l-ġinġer, u servi immedjatament.