Riċetta: Aranċini żgħar bit-tonn u l-mozzarella

Riċetta Aranċini żgħar bit-tonn u l-mozzarella

Għalkemm dawn l-aranċini huma perfetti bħala appetizer, tista' wkoll tikolhom bħala ikla prinċipali ma' insalata abbundanti. Dawn huma mimlijin bit-tonn u bil-mozzarella, iżda ladarba tkun ippruvajt tagħmilhom, toqgħodx lura milli tesperimenta b'mili ieħor biex toħloq ir-riċetti tiegħek għall-aranċini.

Ħin: 30 minuta

Isservi: 2-4 persuni

Ingredjenti:

  • 300 g ross 
  • Basla mfella
  • Litru stokk
  • 40 ml żejt taż-żebbuġa
  • 200 g mozzarella
  • 160 g Rio Mare Tuna in Olive Oil
  • 2 bajdiet
  • 150 g polpa tat-tadam
  • Ftit origanu
  • Żejt biex taqli
  • Dqiq
  • Frak tal-ħobż
  • Melħ

Tħejjija:

  1. Saħħan ftit żejt ġo taġen fuq nar medju u sajjar il-basla sakemm tismar.
  2. Żid 100 g polpa u l-origanu. Żid ir-ross u ħallih jimmarina.
  3. Żid l-istokk ftit ftit, dejjem ħawwad, sakemm ikollok risotto niexef. 
  4. Neħħi minn fuq in-nar u żid bajda sħiħa. Ferrex ir-ross fuq tilar biex jiksaħ.
  5. Neħħi ż-żejt minn mat-tonn u poġġih ġo skutella. Żid il-biċċiet tal-mozzarella u l-kumplament tal-polpa.
  6. Poġġi daqs imgħarfa ross f'idejk, poġġi ftit mit-taħlita tat-tonn fin-nofs u agħmel ballun bil-mili fin-nofs. Kompli b'dan il-mod. 
  7. Ħabbat bajda, u żid ponta melħ. Poġġi l-blalen, wieħed wieħed, fid-dqiq sabiex tiksihom; bill fil-bajd u iksi bil-frak tal-ħobż. 
  8. Aqli f'ħafna żejt sakemm jismaru u jsiru jqarmċu. Servihom sħan.

Ippruvajt din ir-riċetta?  Kif sibtha? Għidilna billi tħalli kumment jew ir-rating hawn taħt u agħfas share.