L-għaġina filo l-ewwel ġiet żviluppat f'Istanbul, it-Turkija, minkejja li ħafna jassumu li hi Griega għaliex fil-Greċja hi ingredjent komuni ħafna. Il-kelma "filo" tfisser werqa, u dawn il-folji tal-għaġina huma rqaq bħal weraq. Fit-Turkija din l-għaġina kienet oriġinalment użata fil-kċina fil-Palazz Topkapi biex jagħmlu platti għas-Sultan. Fl-antik, l-għaġina filo kienet issir mill-furnara artiġjanali u dawn kienu jqattgħu sigħat jagħfsu u jiġbdu biex jiffurmaw għaġina antika. Fis-seklu XX, fis-snin '40 ġiet ivvintata magna biex tagħmel l-għaġina b'mod awtomatiku, xi ħaġa li għenet biex l-għaġina tinbiegħ lil kulħadd.

L-għaġina filo hija alternattiva tajba għas-saħħa, speċjalment meta tqabbel il-valur nutritriv tagħha ma', eżempju, l-għaġina puff. Hija alternativa tajba għax ma tkunx qed tiċċaħħad minn ikel bħat-torti. Anke l-mili jista' jkun bnin u biex tnaqqaslu l-kaloriji, ix-xaħam u z-zokkor tista', minflok, tuża l-filo.

Tista' tqabbel il-valur nutrittiv ta' għaġina puff ma' għaġina filo:

Kif tista' tara, l-għaġina puff fiha kważi d-doppju kaloriji, sitt darbiet ix-xaħam u erba' darbiet iz-zokkor.

Bil-filo tista' wkoll tadatta l-metodi differenti fit-tħejjija biex tnaqqas aktar il-kontenut ta' xaħam. Xi nies jużaw ħalib fejn is-saffi tal-filo. Jiena sibt li dan verament mhux meħtieġ. Kulma trid tagħmel hu li, b'pinzell ħafif ħafif, idellek l-għaġina tal-wiċċ biż-żejt taż-żebbuġa. Għal ikla prinċipali jiġi delizzjuż, u jekk għandek xi torta tal-ħelu, uża żejt li jogħġbok, li ma jibdilx it-togħma ta' dak li tkun qed issajjar. Din l-għaġina tista' ssibha għall-bejgħ f'ħafna ħwienet. Jien nippreferi li l-filo li tkun long life u li tista' tinżamm fil-friġġ, milli dik li tkun iffriżata. Insib li dik long life ma tinxifx malajr mela tkun qed tużaha, u ma jkollokx bżonn tgħattiha b'sarvetta mxarrba bħal m'għandek bżonn tagħmel għal dik li tkun iffriżata.