Kul il-ħafur (oats) u ċ-ċikkulata għas-saħħa fiżika u mentali ta’ kuljum

By en:user:Hankwang (from en:wiki) [Public domain], via Wikimedia Commons

Min qallek li ċ-ċikkulata mhix tajba għalik għandu żball kbir. Huwa z-zokkor li jinsab f'ħafna oġġetti tal-ikel biċ-ċikkulata li jagħmel il-ħsara, mhux iċ-ċikkulata innifisha. Minn studji li saru nstab li ċ-ċikullata morra (dark chocolate) hija nutrijenti ħafna għax fiha l-fibra u ħafna minerali bħall-ħadid (għas-saħħa), il-manjesju (għall-għadam u n-nervituri), ir-ram (għaċ-ċelloli tal-ġisem), il-manganeżju (għall-għadam), il-potassju (għall-qalb), il-fosfru (għall-għadam), iż-żingu (għall-immunità u l-metaboliżmu) u s-selenju (għall-imunità).

Ġeneralment, iċ-ċikkulata morra hija meqjusa sors tajjeb ta' anti-ossidanti (li jnaqqsu l-ħsara liċ-ċelloli tal-ġisem), tnaqqas il-pressjoni u tgħin lis-sistema cardjovaskolari (is-sistema tad-demm u l-qalb), u tgħin ukoll 'il-funzjoni tal-moħħ. Meta taqra dan, ma jtikx li tibda' tiekol iċ-ċikkulata ta' kuljum? Filfatt kieku ma tagħmilx ħażin kieku fid-dieta tiegħek tinkludi ċikkulata prima (raw) jew morra (dark).

Il-ħafur (oats) ukoll huwa tajjeb ħafna għas-saħħa u jista' jifforma parti importanti mid-dieta għax fih il-karboidrati kumplessi u l-fibra, li jinkoraġġixxu d-diġestjoni bilmod u enerġija fit-tul. Qatt ma ndunajt li jekk tiekol il-ħafur filgħodu, kemm idum ma jaqbdek il-guħ? Il-ħafur, barra li fih ħafna mill-minerali msemmija hawn, fih ukoll il-vitamina B1 (għan-nervituri u għall-qalb), il-vitamina B7 (għax-xagħar u d-dwiefer), l-kromju (għall-pressjoni u z-zokkor) u l-molibdenu (għall-metaboliżmu).

Filfatt huwa magħruf li jekk tiekol il-ħafur ta' kuljum, jgħin fl-istabbilizzazzjoni tal-glucose fid-demm, inaqqas il-kolesterol fid-demm u jnaqqas ir-riskju ta' mard tal-qalb. 

 

Biex tara kif tista' tinkorpora dawn iż-żewġ ingredjenti faċilment fid-dieta tiegħek ta' kuljum, ikklikja hawn għal riċetta ta' flapjack biċ-ċikkulata.