Ir-riċetta tat-Tnejn: Salamun imdomm u patata misħuqa

Salamun imdomm u patata misħuqa

Matul il-ġimgħa ikliet ħfief għall-familja li tippreparahom malajr huma l-aħjar soluzzjoni wara ġurnata xogħol. Din ir-riċetta ta’ salamun, patata u spinaċi hija l-ewwel waħda fost ħames riċetti ta’ dan it-tip.

Ħin attiv: 15-il minuta
Ħin totali: 50 minuta

 Ingredjenti

  • 680g patata bajda ta’ daqs wieħed
  • Melħ oħxon u bżar mitħun frisk
  • 680g flett tas-salamun, imqatta’ f’biċċiet ta’ 2ċm
  • 2 mgħaref żejt taż-żebbuġa ekstra verġni
  • 3 mgħaref għasel
  • 60g spinaċi tari
  • 2 mgħaref butir mingħajr melħ
  1. Saħħan il-forn għal temperatura ta’ 180°C.
  1. Għalli l-patata f’kazzola bl-ilma bil-melħ għal marwar 15-il minuta jew sakemm tibda tirtab u sikkina tidħol faċilment.
  1. Sadanittant domm (skewer) tliet biċċiet salamun fuq 8 stikek tal-injam ta’ 15-il ċm.
  1. Poġġi l-istkek bis-salamun fuq tilar miksi bil-foil u roxx bil-melħ u bżar. Ilwi l-foil fuq it-truf tal-istikek biex tgħattihom u tevita li jinħarqu.
  1. Aħmi s-salamun għal 10-15-il minuta, jew sakemm jieħu l-kulur. Dawwar l-istikek darba waqt is-sajran. Oħroġ mill-forn u roxx bl-għasel.
  1. Saffi l-patata mill-ilma. Kif tkun għadha taħraq isħaq, jew għaffeġ ftit, kull patata bil-wara tal-imgħarfa sakemm tiċċattja ftit. Poġġi l-patata flimkien mal-ispinaċi u l-butir f’bieqja kbira. Żid il-melħ u l-bżar u ħawwad sakemm jitħallat kollox.
  1. Servi s-salamun mal-patata u l-ispinaċi.