Riċetta: Ħafur (oatmeal) bil-larinġ u l-cranberries

By Slick (Own work) [CC0], via Wikimedia Commons

B'din ir-riċetta tista' tibqa' ċert li qed tieħu l-porzjon ta' frott kollu li għandek bżonn ta' kuljum.

Isservi: 4 persuni                                                    

Ingredjenti:

  • 2 kikkri meraq tal-larinġ
  • Kikkra ilma
  • 1/4 kuċċarina melħ
  • 1/8 kuċċarina trab tal-kannella
  • 2 kikkri ħafur (oatmeal)
  • 1/2 kikkra cranberries nixfin, jew iktar jekk tixtieq
  • 1/4 kikkra ġewż mixwi
  • Kikkra jogurt tal-vanilja b'inqas xaħam (jekk tixtieq)

 

Tħejjija:

Ġo kazzola żgħira, għalli l-meraq tal-larinġ, l-ilma, il-kannella u l-melħ.

Żid il-ħafur u nofs kikkra cranberries, u ħawwad.

Meta jerġa' jagħli, naqqas in-nar għal medju.

Jekk qiegħed tuża il-quick oats, sajjar għal minuta; jekk qiegħed tuża ħafur normali, sajjar għal 5 minuti... jew sakemm il-likwidu jkun inxtorob kważi kollu. Dejjem ibqa' ħawwad kultant.

Ħallih joqgħod sakemm jikseb il-konsistenza li tixtieq.

Qassam it-taħlita f'erba' skutelli u raxxax kull porzjon bi ftit ġewż.

Jekk trid tista' żżid ftit jogurt u iktar cranberries.

 

Fil-microwave:

Tixtieq tgħaġġel? Itfa' l-ingredjenti kollha (minbarra l-ġewż u l-jogurt) ġo skutella tal-microwave u saħħanhom fih għal bejn 5 u 8 minuti, skont it-tip ta' ħafur li qed tuża. Bħala indikazzjoni, sajjar sakemm il-likwidu jkun inxtorob kważi kollu. Ħallih joqgħod sakemm jikseb il-konsistenza li tixtieq, qassam it-taħlita f'erba' skutelli, raxxax kull porzjon bi ftit ġewż, u jekk trid żid ftit jogurt u iktar cranberries.