6 modi kif tħejji d-dar biex tilqa’ n-nies

19769684_wide

Tkun xi tkun l-okkażżjoni, parti d-dar huwa mod sabiħ biex tlaqqa' l-ħbieb flimkien f'atmosfera rilassata barra mir-rutina tas-soltu. Iżda qabel ma tilqa' n-nies id-dar, aħseb f'dawn l-affarijiet biex kollox jimxi ħarir.

1. Sbarazza

Putting things away

 

Dur dawra mal-kmamar fejn se jkun hemm in-nies u neħħi kemm jista' jkun l-affarjiet min-nofs. Warrab basktijiet, żraben u affarijiet oħra pesrsonali u poġġihom fil-kamra tas-sodda jew f'post fejn ma jidhrux. Neħħi wkoll l-oġġetti fraġli biex tevita l-inċidenti.

2. Naddaf

Naddaf

 

Huwa importanti li fejn se kollok in-nies ikollok l-indafa li jixirqilhom. Naddaf l-entrata, il-kuruturi, il-kċina u l-kamra tal-banju barra l-kmamar fejn se joqgħodu. Ara li jkollok biżżejjed karta u sapun fil-kamra tal-banju.

3. Ħu ħsieb l-irwejjaħ

Ħu ħsieb l-irwejjaħ

 

Jekk għandek xi pet, ara li tneħħi l-irwejjaħ tiegħu; għalkemm int tkun drajt ir-riħa tiegħu, kapaċi ddejjaq lil ħaddieħor. Naddaf il-litter tal-qattus jew aħsel il-kelb. Ħalli t-twieqi miftuħin għall-arja, speċjalment jekk ikollok riħa tal-għeluq, u ixgħel scented candle.

4. Żejjen

Żejjen

 

Agħżel tema u żejjen ftit. Per eżempju tista' tagħżel kulur partikolari jew suġġett partikolari. Biex iddaħħal lil kulħadd fl-atmosfera, itlobhom jiġu libsin skont it-tema li għażilt.

5. Organizza ruħek

Organizza ruħek

 

Għandek biżżejjed tazzi? Fejn se tpoġġi l-ikel? Se sservi int jew kulħadd jaqbad u jieħu? Ipprova organizza l-affarijiet b'tali mod li tevita l-konfużjoni jew ħafna nies fil-kċina. 

Għandek biżżejjed siġġijiet? X'muzika se ddoqq? Lesti kollox minn qabel biex meta jaslu l-mistednin int tkun rilassat u tista' tkompli magħhom flok tiġri 'l hawn u 'l hemm.

6. Ħu ħsieb il-kċina

Ħu ħsieb il-kċina

 

Il-kċina hija l-qalb tad-dar, u ħafna drabi, trid u ma tridx, waqt parti se tispiċċa mbullmata bin-nies... min qiegħed iġib birra mill-friġġ jew min waqaf iparla hu u jġib iktar tazzi. Huwa importanti li l-kċina tirrifletti l-atmosfera rilassata tal-kumplament tad-dar. Żomm kollox organizzat u ppustjat għall-kumdità. (Ara 7 modi kif tista' torganizza l-kċina

It-tħejjija hija importanti biex kemm int kif ukoll il-ħbieb tiegħek tieħdu pjaċir u tkunu tixtiequ li jkun hemm darb'oħra.

 

X'taħseb fuq dan l-artiklu? Għidilna billi tħalli kumment jew ir-rating hawn taħtu agħfas share.