Tħallix li l-ewwel daqqa tal-qanpiena tqabbdek it-tferfir fl-istonku tiegħek għax għandek il-kċina se ssiefer bil-borom maħmuġin u l-ikel nofsu biss lest. Segwi dawn il-pariri biex meta jerġa' jkollok il-mistednin tlesti xi appetizers ħfief, interessanti u ta' malajr. Tista' tlestihom ukoll minn qabel biex int tibqa' rilassat u tilqa' l-mistednin tiegħek kif tixtieq kif jixraq. Segwi dawn is-suġġerimenti:

1. Tista' tvarja r-riċetti tiegħek billi żżid xi ingredjenti mhux tas-soltu magħhom biex toħloq togħma iktar oriġinali, pereżempju:

   • Il-kosbor (coriander) flok it-tursin

   • Lewż, żrieragħ tal-ġirasol u żrieragħ tal-qargħa ħamra mixwijin mal-insalata biex tiġi tqarmeċ

   • Taħini (krema tal-ġulġlien) ma' strixxi tal-karrotti, ħjar u karfus biex tbill

   • Chutney mal-bajd iebes, eż. chutney tal-mustarda u t-tadam

2. Agħmel ftit dips sempliċi billi titfa' ftit ingredjenti flimkien fil-blender, u servi mal-galletti. Ikklikja hawn taħt għal ftit riċetti:

   • Dip tal-ġobon tat-tursina

   • Dip tal-pitravi bil-jogurt, il-kemmun u t-tamal

3. Ħalli l-immaġinazzjoni tiġri bik billi tpoġġi taħlita ta' ingredjenti ġo werqa tal-ħass bħala kontenitur. Agħfas hawn taħt għal riċetta:

   • Ħass mimli bil-majjal u l-qastan 

4. Tista' tagħmel ftit ħobż bla ħmira b'għażla ta' ħaxix fil-wiċċ, itfa' fil-forn u qatta' f'biċċiet qisek qiegħed tagħmel pizza. Tista' tesperimenta wkoll billi żżid xi zalzett, biċċiet tat-tiġieġ u diversi tipi ta' ġobon. Agħfas hawn taħt għal riċetta:

   • Zalzett pikkanti bil-feta u l-għeneb

5. Tista' tagħmel kull xorta ta' kebabs, kemm bil-laħam jew bil-frott, u tajjeb li jkollok ftit mit-tnejn biex tolqot il-gosti ta' kulħadd. Żid ftit lumi u ħxejjex aromatiċi mal-jogurt bħala dip. 

Għoġbitek dan l-artiklu? Għidilna billi tħalli l-kummenti tiegħek hawn taħt, u agħmel ir-rating tiegħek u share biex inkomplu nwasslulek aktar riċetti li jogħġbuk.