Read this article in English: 4 secrets for easy Christmas entertaining success

Biex tħejji għal laqgħa soċjali fi żmien il-festi m'għandekx għalfejn tinkwieta, u speċjalment mhux fuq il-flus u l-ħin. Meta tiffranka l-flus u l-ħin fuq ċerti aspetti tal-laqgħa, tista' tinvestihom f'xi ħaġa oħra. Tħallix li n-nuqqas ta' ppjanar iħallik mitluf, ħejji kollox sew biex tgawdi mal-oħrajn.

Agħmel stedina personali. Jekk taqbad it-telefown biex tagħmel stedina tkun qiegħed toħloq rabta personali minn qabel, li fiha nnifisha tlesti l-mistednin għal laqgħa inqas formali u komda. Tiffrankalek ukoll il-ħin u l-flus milli kieku tibgħat stedina formali bil-posta.

Żejjen id-dar. Barra s-siġra u t-tinsel, oħloq tiżjin għall-mejda billi tuża koni tal-arżnu (pine cones), xemgħat u blalen tal-Milied. Dettalji żgħar jafu jagħmlu differenza kbira u m'għandhomx għalfejn joħdulek ħafna ħin jew ineffquk il-flus.

Agħżel il-mużika. Fittex online (eż. YouTube) għal playlists ta' mużika adattata għall-istaġun biex toħloq l-atmosfera. Tista' tagħżel minn mużika tradizzjonali, strumentali jew kontemporanja. Jekk int tajjeb fit-teknoloġija, oħloq playlist oriġinali tiegħek, inkella ssellef waħda eżistenti.

Iffranka fl-ikel. Servi appetizers magħmulin minn żewġ ingredjenti biss kemm biex tħalli spazju fl-istonku tal-mistednin għal li jkun ġej wara u kemm biex tiffranka l-ħin. Tista' tagħżel ukoll li tixtri deżerta ġenwina li tista' żżejjen int. Investi l-ħin li tiffranka fl-appetizers u d-deżerta biex tagħmel ikla prinċipali u side dishes biex timpressjona u timlielhom żaqqhom sew.

Għoġbok dan l-artiklu? Ħalli l-kummenti tiegħek hawn taħt u agħmel ir-rating tiegħek u agħfas share biex tgħinna nkomplu nwasslulek artikli li jinteressawk.