Riċetta: Sandwiches tal-gallettini bil-ġelat

iStock_000017411659_Small

Ġib daħka fuq wiċċ it-tfal b'dawn is-sandwiches tal-gallettini bil-ġelat, kemm għal xi okkażjoni kif ukoll bħala sorpriża ta' bla ħsieb. Bil-ġelat, il-gallettini u l-ħafna kuluri, żgur li dawn is-sandwiches jintgħoġbu, kemm miż-żgħar kif ukoll mill-kbar!

Ingredjenti:

  • 470g għaġina tal-gallettini lesta (cookie dough)
  • 5 kikkri u nofs ġelat tal-vanilja, artab
  • 1/2 kikkra hundreds and thousands
  • Mgħarfa zokkor (sparkling sugar)

Tħejjija:

  1. Saħħan il-forn għal 180 C.
  2. Irrombla l-għaġina fi blalen żgħar (daqs kuċċarina u nofs kull ballun, biex tagħmel 32  ballun).
  3. Poġġi l-blalen xi 5cm 'l bogħod minn xulxin fuq tilar. Sajjar fil-forn għal madwar 12-il minuta jew sakemm jismaru ftit.
  4. Ħallihom jibirdu għal minuta u neħħihom minn fuq it-tilar sabiex jiksħu kompletament (madwar 30 minuta).
  5. Poġġi ftit ġelat fuq 16-il gallettina, u poġġi gallettina oħra fil-wiċċ. Agħfas bilmod sakemm il-ġelat jasal sax-xifer tal-gallettini. Itfagħhom fil-friża biex jeħel kollox sew flimkien.
  6. Fuq platt itfa' ftit kosbor u ftit zokkor. Dawwar ix-xifer tas-sandwiches fit-taħlita sabiex jeħlu mal-ġelat.
  7. Erga' ffriża l-gallettini għal madwar 10 minuti oħra qabel isservi.

 

Ikklikkja hawn biex tipprova wkoll il-gallettini tal-ġinġer bil-ġelat