Riċetta: Bajtar ta’ San Ġwann bil-ġobon tat-tursina

Żgur li hawn ħafna fostkom li tistennew bil-qalb li jasal iż-żmien tal-bajtar ta' San Ġwann. Imma qatt immaġinajt li barra li tista' tieklu kiesaħ minn ġol-friġġ, bħal ma nħobbu nagħmlu aħna l-Maltin, tista' wkoll tieklu misjur fil-forn? Iktar minn hekk, f'din ir-riċetta tista' tara kif tħallat it-togħma mielħa tal-ġobon tat-tursina mal-ħlewwa ta' dan il-frott. 

Għal porzjon wieħed:

Ingredjenti:

  • Bajtra ta' San Ġwann kbira (black mission fig)
  • Kuċċarina ġobon tat-tursina
  • 1/2 kuċċarina zokkor mhux irfinat

Tħejjija:

  1. Aqsam il-bajtra min-nofs
  2. Itfa' ftit ġobon tat-tursina fil-wiċċ
  3. Raxxax biz-zokkor
  4. Itfa' fil forn fuq broil sakemm iz-zokkor jikkaramelizza

 

Għal ideat oħra kif tista' ddaħħal il-ġobon tat-tursina b'mod mhux tas-soltu fil-platti tiegħek, ikklikja hawn.